Njoftohen turistët: Nuk jeni të detyruar të paguani faturën nëse nuk e ka kodin QR

Podgoricë – Kodi QR në llogarinë në Mal të Zi është një konfirmim i domosdoshëm se taksa është paguar.

Pa të, ju nuk jeni të detyruar të paguani faturën e lëshuar, tha ministri malazez i Financave dhe Mirëqenies Sociale, Milojko Spajiq.

Ministria e Financave dhe Mirëqenies Sociale e Malit të Zi njoftoi se ata po punojnë më shumë në një fushatë për të rritur ndërgjegjësimin për rëndësinë e lëshimit të faturave të fiskalizuara me një kod QR, raporton RTCG.

Materiali reklamues është vendosur në të gjithë Malin e Zi dhe anëtarët e Administratës së Policisë po u shpërndajnë fletëpalosje turistëve që hyjnë në Mal të Zi duke i informuar ata se nuk janë të detyruar të paguajnë për shërbimet dhe produktet për të cilat nuk kanë marrë një faturë të fiskalizuar.

Ministria deklaron se qëllimi i fushatës është të rrisë ndërgjegjësimin e qytetarëve dhe turistëve për rëndësinë e fiskalizimit / faturimit elektronik dhe raportimit të duhur të taksave, por gjithashtu të japë stimuj për të raportuar çdo parregullsi. Parregullsitë dhe moslëshimi i faturave të fiskalizuara mund të raportohen në Administratën e të Ardhurave dhe Doganave në numrin 19707, si dhe përmes portalit në internet budiodgovoran.me.

Ministria thekson se raportimi i duhur dhe shlyerja e detyrimeve tatimore është baza për rimëkëmbjen e financave publike malazeze dhe ekonomisë.