Kur ndaloni së piri kafe, trupi reagon: Ja cilat janë pasojat

Eliminimi i kafesë nga përditshmëria ndryshon rrënjësisht mënyrën e jetesës, por ndikon edhe në shëndetin tuaj, duke rezultuar në një përmirësim.

Shumë njerëz nuk mund ta fillojnë ditën e tyre pa pirë një filxhan kafe të mirë. Në fakt, kafeja konsiderohet nga shumë njerëz si “lëndë djegëse” për të mbajtur një nivel të lartë vëmendjeje dhe energjie, veçanërisht në momentet më stresuese dhe kërkuese të ditës.

E gjitha kjo falë kafeinës, një alkaloid i pranishëm në disa bimë që stimulon sistemin nervor qendror, duke reduktuar përgjumjen dhe duke rritur qartësinë mendore.

Përveç kafesë, kafeinë përmbajnë edhe pije të tjera si çaji apo guarana dhe çokollata, këto produkte gjithashtu kontribuojnë në përmirësimin e vëmendjes, duke reduktuar ndjenjën e lodhjes në orët pas marrjes së tyre.

Por kini kujdes: kafeina e tepërt mund të ketë efekte anësore duke filluar nga të përzierat tek dhimbjet e kokës deri tek vështirësia për të fjetur, gjë që në rastet më të rënda mund të çojë në takikardi dhe rritje të ankthit.

Doza maksimale ditore e kafeinës është 400 mg, që është katër filxhanë në ditë (të cilës, natyrisht, nuk duhet t’i shtohen burime të tjera kafeine si çokollata ose çaji).

Por çfarë ndodh me trupin kur ndaloni së konsumuari kafeinë?

Stresi reduktohet

Tërheqja e kafeinës mund të shkaktojë dhimbje koke, rraskapitje dhe lodhje, por këto janë simptoma të përkohshme që zhduken pas disa ditësh.

Siç thamë, marrja e vazhdueshme e kafeinës shkakton një kufizim të ndjenjës së lodhjes dhe simptoma e parë që shfaqet kur kjo marrje ndërpritet është lodhja.

Eliminimi i kafeinës do të zvogëlojë nivelin e stresit dhe ankthit, dhe gjithashtu do të përmirësojë cilësinë e gjumit tuaj, i cili do të jetë më i gjatë dhe më i qetë.

Përmirëson tretjen

Reduktimi ose eliminimi i kafeinës qetëson urthin dhe përmirëson sistemin e tretjes

Mos harroni se kjo lëndë stimulon sekretimin e acidit të stomakut dhe dobëson muskul unazor të ezofagut, i cili kontrollon refluksin e përmbajtjes së stomakut në ezofag: kjo shkakton acid dhe dispepsi.

Përmirëson shëndetin e zemrës

Siç thamë, kafeina ka veti stimuluese për sistemin nervor, gjë që çon në rritjen e presionit të gjakut dhe të rrahjeve të zemrës.

Ndërprerja e kafeinës mund të përmirësojë shëndetin duke lejuar që presioni i gjakut dhe rrahjet e zemrës të kthehen në nivele më të moderuara.