Kjo letër e 2Pac shitet për 200 mijë euro (Foto)

Një letër e shkruar në burg nga reperi amerikan, Tupac Shakur (2Pac), një vit para vdekjes së tij, është vënë në ankand për një shumë rreth 200 mijë euro.
2Pac ishte burgosur në vitin 1995 nën akuzën për përdhunim, pasi reperi dhe disa miq të tij ishin dënuar për sulmin seksual ndaj një femre në një dhomë hoteli, dy vite më parë, transmeton Koha.net.
Duke shkruar nga objekti korrektues në New York për Nina Bhadreshwar, e cila punonte në grupin e reperit “Death Row Records”, 2Pac duket se kishte shprehur dëshpërimin nga jeta, duke thënë “Jeta prej rebeli është e vdekur për mua. Nëse kjo jetë prej rebeli është e vërtetë, atëherë le ta përfaqësojë dikush tjetër atë, sepse unë jam lodhur nga kjo. Kjo është ajo që më thotë zemra tani, kjo është e vërteta. Shumë njerëz nuk shpëtojnë nga niveli tjetër i kësaj jete.?.?. Ata bëhen të varur deri në vdekje”.
2Pac është një nga tekst shkruesit dhe reperët më të mirë në histori të rep muzikës, dhe këngët e tij ende inspirojnë gjenerata të reja të artistëve, ndër ta edhe Kendrick Lamar, cili është një fans i madh i tij.
Tupac Shakur ishte vrarë në shtator të vitit 1996.