Kapet makina me heroinë, si e kishin fshehur shqiptarët drogën me mekanizëm të veçantë

Në territoret greke është gjurmuar një automjet me targa shqiptare, brenda të cilit u gjet një sasi prej 6 kg heroinë.

Operacioni u zhvillua në portin e Igumenicës.
Droga ishte fshehur në një pjesë të bagazhit të makinës tip “BMW” dhe hapej me një portë të veçantë e ndërtuar posaçërisht për lëndën narkotike.

Brenda në makinë u gjetën 6 pako me 6 kg e 50 gr heroinë që kishin si destinacion Italinë.
Në pranga kanë rënë një 53-vjeçar, drejtuesi i automjetit dhe pasagjerja 53-vjeçare.