Një i ri humb jetën në pishinë

Në një pishinë të Prizrenit, në mbrëmjen e sotme është gjetur i vdekur një i ri.

Lajmin e ka bërë të ditur Policia e Kosovës, e cila thotë se viktima është gjetur nga punëtorët e pishinës, të cilët kishin shkuar ta pastrojnë pishinën.

“Rreth orës 18:49 minuta, Policia e Prizrenit është informuar për gjetjen e trupit të pajetë të një mashkulli, i cili dyshohet se ka humbur jetën derisa po lahej në një pishinë në rrugën “Kukësi” në Prizren.

Sipas informatave të para, viktima i vitlindjes 1992 është gjetur nga punëtorët kur kanë shkuar për ta pastruar pishinën. Nuk dihet koha e saktë se kur ka ndodhur rasti dhe as rrethanat. Njësite relevante të policisë po merren me hetimin e rastit”, thuhet në kumtesën e policisë.