Shkencëtarët thonë se pastrimi i duarve me sapun është më efikas se alkooli
Dezinfektuesit, të cilët përmbajnë alkool janë mjaft efektivë në eliminimin e viruseve, mirëpo sipas ekspertëve, metoda më e mirë e pastrimit të duarve është me anë të ujit dhe sapunit.
Viruset mund të qëndrojnë aktivë në sipërfaqe të trupit me orë dhe ditë të tëra. Dezinfektuesit, lëngjet, pecetat dhe kremrat që përmbajnë alkool, janë efektive në eliminimin e tyre, por jo aq efektive sa larja e tyre me ujë dhe sapun.
Por pse një sapun mund të funksionojë kaq mirë në eliminimin dhe mbytjen e viruseve, duke përfshirë edhe virusin COVID-19? Përgjigja është e thjeshtë: sepse virusi përbëhet nga disa grimca nanometrike, të grumbulluara, në të cilën shtresa lipikde, që shërben si lidhje në mes tyre është shumë e dobët.
Duke marrë parasysh këtë fakt, sapuni ka aftësi që ta shkatërroj me lehtësi këtë membranë lipidike dhe në këtë rast virusi zbërthehet, dhe vdes apo bëhet inaktiv.
Më gjerësisht, ndërtimi i virusit konsiston në 3 përbërës kryesorë: acidi ribonukleik, proteinat dhe lipidet. Në sipërfaqe, ai krijon një numër të madh të këtyre përbërësve, të cilat më pas spontanisht mblidhen duke krijuar viruse të tjera. Kur një qelizë e infektuar vdes, të gjitha këto viruse largohen duke tentuar të infektojnë qeliza të tjera, disa prej të cilave përfundojnë në mushkëri dhe rrugë të frymëmarrjes.
Kur ju kolliteni ose teshtini, këto copëza të viruseve dalin nga rrugët e frymëmarrjes dhe mund të përhapen deri në 10 metra në mjedisin e jashtëm. Këto copëza të vogla përfundojnë në sipërfaqe dhe thahen shumë shpejt, ndërkohë virusi qëndron aktiv. Lëkura e njerëzve është një mjedis i duhur për mbijetimin e virusit, është “organike” dhe proteinat e yndyrnat e ndodhura në qeliza të vdekura, shërbejnë si ushqim I tyre.
Nëse vazhdoni që me ato duar ta prekni fytyrës, sytë apo hundën virusi do të hyjë brenda organizmit dhe ju do të infektoheni.
Kështu që larja e duhur e duarve me sapun është e domosdoshme, pasiqë sapuni përmban disa substanca yndyrore të ngjashme me membranën yndyrore të virusit, prandaj është efektiv në shpërbërjen e tij.
