Njoftim për qytetarët e komunës së Preshevës

Njoftim për qytetarët e komunës së Preshevës

Lajmërohen qytetarët e komunës së Preshevës, që për shkak të një defekti teknik të lokomotivës, që nga orët e hershme të mëngjesit, një tren qëndron në vendkalimin mbi hekurudhë, duke e pamundësuar qarkullimin e automjeteve automobilistike në relacionin Preshevë – Korridori X.

Me qëllim të shmangies së pritjeve të gjata, luten qytetarët që me mjetet e tyre të lehta automobilistike, të shfrytëzojnë rrugën alternative në drejtim të vendkalimit në rrugën e Zhunicës.

Rikthimi i normalitetit pritet të bëhet diku rreth orës 10:00, pasi pritet që Hekurudhat e Serbisë të dërgojnë një lokomotivë tjetër, për të zhvendosur trenin e ngujuar.