Gjilan: Baba e bën djalin për spital, gjendet edhe arma

Pas një mosmarrëveshje që kanë pasur babë e bir në rrugën “Mustafë Koka” në Gjilan, ka plasur përleshja dhe konfrontimi fizik, ku i dyshuari (babai) i ka shkaktuar lëndim trupor djalit të tij, i cili ka kërkuar ndihmë mjekësore.

Policia ka dalë në vendin e ngjarjes dhe është marrë me rastin, kurse në shtëpinë e të dyshuarit ka gjetur një pushkë gjuetie gjysmëautomatike dhe 29 copë fishekë, të gjitha pa leje përkatëse dhe të cilat janë konfiskuar nga njësiti i forenzikës.