Dy grupe ilaçesh mundë të ulin në mënyrë drastike mundësinë e vdekjes ndaj Covid-19

Avantazhi i barnave është se ato mund të lehtësojnë inflamacionin në trup, i cili shpesh shkakton rezultate të rënda të infeksioneve të koronavirusit, thonë studiuesit.

Barnat për uljen e kolesterolit mund të rrisin mundësinë e mbijetesës së një infeksioni covid-19 dhe të zvogëlojnë rrezikun e zhvillimit të një forme më të rëndë të sëmundjes, tregon hulumtimi i ri.

Një analizë e më shumë se 10,000 njerëzve të pranuar në 140 spitale në Shtetet e Bashkuara zbuloi se ilaçet statike për uljen e kolesterolit dhe ilaçet e presionit të gjakut ulin vdekshmërinë e koronavirusit me 40 përqind midis atyre që i morën ato para shtrimit në spital.

Rreziku i zvogëluar i vdekjes ishte më i lartë tek ata që morën statina vetëm (46 përqind) sesa tek pacientët që përdorën vetëm ilaçe të tensionit të lartë (27 përqind).

Raporti i rezultateve është i ngjashëm për sa i përket progresit të sëmundjes; njerëzit e trajtuar me statina kishin një rrezik 25 për qind më të ulët për të zhvilluar një formë më të rëndë, ndërsa ata që merrnin ilaçe antihipertensive kishin një rrezik për 11 për qind më të ulët.

Përfitimet mbetën të dukshme edhe pasi shkencëtarët morën parasysh konsumin e barnave të tjera, statusin shëndetësor dhe të dhëna të tjera rreth pacientëve, përfshirë sigurimin e tyre shëndetësor.

Avantazhi i barnave është se ato mund të lehtësojnë inflamacionin në trup, i cili shpesh shkakton rezultate të rënda pasi janë infektuar me koronavirus, pretendojnë studiuesit.

Në fillim të pandemisë, ne ishim të interesuar nëse ilaçet për trajtimin e sëmundjeve kardiovaskulare do të ndikonin negativisht në infeksionet e shkaktuara nga kovid 19″, tha autori i studimit Lori Daniels.

“Ne zbuluam se statinat dhe ilaçet e përdorura për të trajtuar hipertensionin jo vetëm që janë të sigurta, por gjithashtu mund të mbrojnë njerëzit me koronavirus, veçanërisht ata që vuajnë nga hipertensioni dhe sëmundjet kardiovaskulare”, shtoi Daniels, një profesor në Universitetin e Kalifornisë.