Ndihmë e re për të rinjtë

Regjistrimi i punëdhënësve dhe shpallja e vendeve të lira të punës, si faza e parë e programit “Paga ime e parë”, përfundoi dje dhe sipas afateve të këtij programi të publikuara nga Shërbimi Kombëtar i Punësimit, faza tjetër, në të cilën do të aplikojnë të rinjtë, do të fillojë më 13 nëntor dhe do të zgjasë deri më 6 dhjetor.

Nga data 7 deri më 22 dhjetor, punëdhënësit do të zgjedhin kandidatët nga të regjistruarit në portalin “Paga ime”, dhe më së voni deri më 29 dhjetor do të publikohet lista përfundimtare e punëdhënësve me numrin e ekzekutuesve të përzgjedhur në vendet e punës të shpallura.

Lidhja e kontratës ndërmjet Shërbimit Kombëtar të Punësimit, punëdhënësve dhe kandidatëve të përzgjedhur, që rregullojnë të drejtat dhe detyrimet e ndërsjella, do të kryhet nga data 1 deri më 19 janar të vitit të ardhshëm dhe zbatimi i këtij programi duhet të fillojë edhe gjatë kësaj periudhe.