Van Gaal: Martial më i rëndësishëm seç e kam menduar

Trajneri i Manchester Unitedit, Louis van Gaal ka thënë se është i befasuar nga talenti që posedon sulmuesi Anthony Martial, dhe se nuk e ka menduar se do të jetë kaq i rëndësishëm.
“Është shumë më i rëndësishëm seç e kam menduar më parë. Jam shumë i kënaqur me të”, ka thënë Van Gaal, raporton Sky Sports.

Martial është transferuar nga Monako gjatë afatit kalimtar veror dhe që nga transferimi i tij ka shkëlqyer në fanellën e Djajve të Kuq.

Këto komente Louis van Gaal i bëri në prag të ndeshjes së Ligës së Kampionëve, që skuadra e tij e luan ndaj Wolfsburgit.