Promovohen katër libra të poetit Jashar Esati nga fshati Miratoc (Video)

Poeti Esat Jashari nga fshati Miratoc ka promovuar katër libra, libra të cilat kanë prekur tematika të ndryshme siç janë libra për poezi, libra autobiografike, dhe libra me motive historike dhe patriotike.

Promovimi është bërë në sallën e Kuvendit Komunal me fillim nga ora 12:00 ku të pranishëm ishin mysafirë si nga fusha e letërsisë, poetë të rinjë, autor, poashtu dhe qytetarë të tjerë dhe mysafirë nga Kosova, dhe Maqedonia.

Librat që u promovuan janë:

1. Dallgët e mallit (poezi për të rritur)

2. Brengat e jetës sime (rrëfime autobiografike);

3. Gjurmëve të jetës dhe veprës së Hamzë Bellanocës;

4. Ura e oqeanit (roman).

Shoqata e Shkrimtarëve ”Feniks” ka mbështetur dhe ka mundësuar daljen në botim të këtyre librave ashtu siç ka bërë deri më tani dhe me autor të tjerë nga komuna jonë.

Kryetari i Shoqatës së Shkrimtrave ”Feniks” z.Bilall Maliqi njëherit bëri dhe një analizë të librit ”Gjurmëve të jetës dhe veprës së Hamzë Bellanocës”, ku theksoi që janë rrëfime autobiografike, ngjarje të trishtueshme të cilat i kemi përjetuar si banorë të këtij territori.

Gjatë evenimentit u lexuan disa poezi nga librat e autorit nga nxënëse dhe poete të reja, poashtu e morrën fjalën disa nga pjesëmarrësit të cilët përshendetën veprën dhe punën e autorit Jashar Esati.