EMA jep vlerësim pozitiv për provat klinike të “Sputnik V”

Agjencia Evropiane e Barnave (EMA) ka publikuar një raport pozitiv mbi rezultatet e provave klinike të vaksinës ruse “Sputnik V” kundër koronavirusit, njoftoi sot Fondi Rus për Investime Direkte (RDIF).

Janë dhënë të gjitha të dhënat mbi provat klinike të “Sputnik V”, inspektimi i GCP (praktikë e mirë klinike) ka përfunduar dhe është marrë një vlerësim pozitiv nga Agjencia Evropiane e Barnave (EMA), deklaroi RDIF.

Të dhënat mbi shtyrjen e miratimit të vaksinës ruse nga BE nuk pasqyrojnë realitetin, theksoi RDIF.

Afati kohor për marrjen e miratimit të “Sputnik V” nga EMA është bërë objekt i spekulimeve të vazhdueshme në media, të cilat i referohen burimeve anonime të informacionit, deklaroi Fondi Rus, duke shtuar se këto spekulime nuk kanë asnjë lidhje me realitetin dhe ngadalësojnë procesin e regjistrimit.

Ekspertiza vazhdon, nuk flitet për ndonjë vonesë, megjithëse vendimi për kohën e aprovimit është përgjegjësi e EMA, ekipi i Institutit Gamaleja, krijuesi i vaksinës “Sputnik V”, pret të marrë regjistrimin e vaksinës brenda dy muajve.