KËTO JANË ÇMIMET E REJA TË KARBURANTIT PËR SHTATË DITËT E ARDHSHME NË SERBI

Janë shpallur çmimet e reja të karburanteve.

Eurodieseli do të shitet me çmim maksimal prej 202,2 dinarë për litër nga ora 15:00 e sotme deri të premten më 27 maj, ndërsa benzina motorike Europremium BMB 95 për maksimum 184 dinarë për litër.

Më parë, dizeli kushtonte maksimumi 202 dinarë, ndërsa benzina 185 dinarë.

Për kujtim, Dekreti për kufizimin e çmimit të karburanteve në pikat e karburantit u miratua për herë të parë më 10 shkurt dhe që atëherë është shtyrë disa herë. Sipas dekretit të fundit, të publikuar në “Fletoren Zyrtare të RS”, kufiri i çmimeve të derivateve të naftës është zgjatur deri më 31 maj të këtij viti.