Serbi me pistoletë gazi e godet 21 vjeçaren në Gjermani

Një burrë nga Serbia ka qëlluar disa herë me pistoletë gazi një vajzë natën e së shtunës dhe të dielës para një klubi nate në Gjermani. Sipas policisë, vajza 21 vjeçare ndodhej në klubin “Anonai Strase” në Baknang.

Serbi fillimisht u përjashtua për sjellje të dhunshme, por nuk u pajtua dhe e priti para klubit. Kur ajo ka dalë rreth orës 02:30, ai e ka kapur, e ka qëlluar disa herë me pistoletë gazi dhe e ka goditur në qafë. Më pas iku në këmbë, por shpejt u arrestua.

Sipas policisë, shtetasi serb po qëndron në Gjermani pa leje dhe tani do të sillet para drejtësisë.

Vajza ka pësuar lëndime të lehta.

Një pistoletë me gaz mund të blihet legalisht në Gjermani që në moshën 18-vjeçare dhe gjuan me plumba të vegjël metalikë.