Ja sa do të kushtojnë karburantet sot nga ora 15:00

Janë publikuar çmimet e reja të karburanteve. Eurodieseli nga sot në orën 15 do të shitet me çmim jo më shumë se 218 dinarë për litër, ndërsa benzina motorike Europremium BMB 95 për jo më shumë se 205 dinarë për litër.

Më parë Eurodieseli kushtonte maksimumi 212 dinarë për litër, ndërsa benzina 201 dinarë.

Qeveria e Serbisë në mbledhjen e djeshme ka miratuar Rregulloren për ndryshimin e Rregullores për kufizimin e çmimeve të derivateve të naftës, e cila do të jetë e vlefshme deri më 31 korrik. Ndaj Ministria e Tregtisë do të publikojë çdo të premte në orën 15:00 çmimet e reja të Eurodieselit dhe benzinës për muajin e ardhshëm.