Thirrja për regjistrim ushtarak nuk është thirrje për shërbim ushtarak — ja çfarë do të thotë dhe kush duhet të përgatitet
Ministria e Mbrojtjes dërgon në adresë letre me postë të gjithë djemtë për t’u futur në “evidencën ushtarake”, por kjo nuk do të thotë se janë thirrur në shërbim ushtarak apo për t’u dërguar në ushtri. Është thjesht një detyrë administrative sipas ligjit, e cila vazhdon të zbatohet edhe pse shërbimi ushtarak i detyruar është hequr që nga para disa vitesh.
Kush duhet të përgjigjet:
– Djemtë që mbushin 18 vjeç këtë vit.
– Djemtë dhe meshkujt e moshave më të mëdha që nuk janë regjistruar më parë në evidencë.
Kjo bëhet pra te zyrat e Ministrisë së Mbrojtjes sipas vendbanimit.
Çfarë është evidenca ushtarake:
Regjistrimi i të dhënave themelore të personit në sistemin e Mbrojtjes — kjo nuk do të thotë se automatikisht bëheni ushtarë apo rezervistë. Është vetëm regjistrim i të dhënave, i quajtur edhe “rezerva e pacaktuar”.
Çfarë dokumentesh duhet të dorëzoni:
– Kartë identiteti
z Certifikatë të shtetësisë ose dokument lindjeje
– Nëse jetoni jashtë vendit, duhet të paraqiteni në përfaqësinë diplomatike/ konsullore të Serbisë.
Denimet nëse nuk përgjigjeni:
Nëse dikush nuk shkon për regjistrim:
– mund të marrë gjobë 10 000–50 000 dinarë,
– apo edhe deri në 60 ditë burg.
Për më tepër, nuk mund të merrni certifikatë të “obligimit të rregullt ushtarak”, e cila është e nevojshme për qëndrim më të gjatë jashtë vendit ose heqje dorë nga shtetësia.
Sqarim shtesë:
Ky regjistrim nuk është rikthim i detyrueshëm i shërbimit ushtarak, por vetëm përmbledhja e të dhënave në sistemin e shtetit. Është një procedurë që bëhet çdo vit për djemtë që mbushin 18 vjeç ose për ata që më parë nuk janë regjistruar.
