Dr.Darija: Kemi kaluar goditjen e parë, virusi nuk do të zhduket

Virusi nuk do të zhduket, por ne kemi kaluar goditjen e parë dhe duhet të mësohemi të jetojmë me virusin, tha Dr.Darija Kisić Tepavčević.

“Në momentin kur u dha rekomandimi i ekspertëve që të lehtësohen masat, ata bazoheshin në rezultatet për situatën aktuale epidemiologjike”, thotë ajo.

Ajo shton se vendosja e maskës në ambiente të hapura nuk luan një rol të rëndësishëm, por që në ambiente të mbyllura është e rëndësishme.

“Ne poste, banke, dyqane, aty vendosja e maskes eshte pergjegjesi per shendetin e dikujt.” thotë ajo.

Kur u pyet nëse pret një rritje të papritur të të infektuarve, Dr Kisić Tepavčević u përgjigj;

“Rënia nuk është asnjëherë lineare, por nuk pritet rritje. Ne e kaluam goditjen e parë. Asnjëherë nuk mund të jetë si në fillim.”

Ajo shton se virusi nuk do të zhduket dhe se duhet të mësohemi të jetojmë me të.