Kombëtarja jonë U19 ka luajtur ndeshje miqësore, ndërsa në të ka debutuar telenti 16 vjeçar nga Lugina e Preshevës Ilir Selimi.
Iliri i cili vjen nga Presheva dhe jeton në Lozanë të Zvicës, ka debutuar me të rinjtë e kombëtares në një ndeshje miqësore.
Në një bisedë për presheva.com, Iliri tregon ambiciet dhe dëshirat e tij, duke mos fshehë gëzimin e tij për debutimin e tij në kombëtare.
“Unë luaj në mbrojtje, në të ardhmen dua të ndjek Lorik Canën të cilin edhe e preferoj. Momentalisht luaj për FC Stade Nyonnais në ligën e Zvicrës”.
Iliri ka kohë që merret me futboll dhe tani përfshirja e tij në kombëtare është një sfidë e madhe për të.
Ndihmë të madhe merr edhe nga lojtari nga Lugina Berat Xhimshiti, i cili tashmë luan në kombëtaren e Shqipërisë.
Iliri një ditë dëshiron të luaj për ekipin e Paris Saint Germain. Staffi i presheva.com i uron sukses Ilirit duke përfaqësuar sa më denjë Luginën e Preshevës në arenën ndërkombëtare.
