Përfaqësuesit e lartë të OSBE-së premtojnë përkrahje të plotë në avancimin e pozitës së shqiptarëve në Luginë të Preshevës

Përfaqësuesit e lartë të OSBE-së premtojnë përkrahje të plotë në avancimin e pozitës së shqiptarëve në Luginë të Preshevës.
Sot, gjatë një takimi me Komesarin e lartë për pakica pranë OSBE-së, Lamberto Zannier si dhe me zëvendës shefin e OSBE-së, Joseph Mellot diskutuam çështje kryesore sociale – politike që preokupojnë të gjithë në Preshevë, Bujanoc e Medvegjë. Biseduam rreth problemit të gjykatës dhe prokurorisë, vendkalimit kufitar Miratoc – Llojan, teksteve shkollore si dhe problemeve tjera që janë përditshmëri e jona.
Ata gjatë takimeve, u zotuan se do të ngrisin këto çështje në instancat më të larta ndërkombëtare brenda BE-së, si dhe siç thanë ata, shqiptarët në Luginë të Preshevës do të kenë përkrahje të plotë të OSBE-së për avancimin e pozitës së tyre.