Si ta kaloni udhëtimin tuaj me një siguri më të madhe, dhe të kurseni mjete gjatë rrugës për në vendlindje
Si ta kaloni udhëtimin tuaj me një siguri më të madhe, por edhe të kurseni mjete gjatë rrugës për në vendlindje.
Meqë tani jemi në prag të pushimit vjetor veror, me këtë rast do të mundohem t’i listoj disa sugjerime se si të veproni përgjatë një udhëtimi të gjatë maratonesk drejtë vendlindjes, të cilat secilit do t’ua lehtësojnë udhëtimet:
1. Para se të niseni kontrollo mirë makinën; vajin e motorit, frenat dhe gomat, sepse këto janë primare.
2. Fillo rrugën i pushuar, dhe jo direkt nga mbarimi i punës (veprim që e praktikon shumica).
3. Mos fillo udhëtimin atëherë kur të gjithë nisen, por starto një ditë më herët ose një ditë më vonë.
4. Kontrollo mirë të gjitha dokumentet e udhëtimit, pa i harruar anëtarët e tjerë të familjes.
5. Mos i mbingarkoni makinat me gjëra të kota, meqë kjo ndikon dukshëm në siguri të automjetit(humbisni balancimin dhe të pamurit), si dhe ndikon në konsumimin e karburanteve, por edhe mundeni të gjobiteni nga policia për tejkalim të peshës së përgjithshme.
6. Pushoni çdo katër orë duke pirë një kafe ose pije të freskët…Këto largojnë lodhjen.
7. Largohu nga të ushqyerit duke e drejtuar makinën dhe mos pini duhan, alkool.
8. Mos e përdor telefonin duke e drejtuar makinën dhe vëre rripin e sigurimit gjatë gjithë kohës.
9. Krijo temperaturë optimale në brendësinë e makinës. Temperatura nuk duhet të varon më tepër se 7c-9c karshi asaj të jashtme.
10. Mbaj distancë të mjaftueshme me të tjerët.
11. Drejto makinën sipas shenjave të komunikacionit, eventualisht mund ta tejkaloni shpejtësinë e lejuar me rreth 10%, meqë në shumicën e vendeve ka pak tolerim.
12. Mos tanko makinën në stacione të gazit për rreth autostradës, meqë çmimet janë dukshëm më të shtrenjta, por mbushni ato në vendbanime. Sa për sqarim, vetëm në një Tank Ju mund t’i kurseni rreth 20Euro, gjithashtu mos pazaroni ushqime nëpër këto stacione, kur dihet se çmimet janë enorme të larta, por vetëm atëherë kur është e obliguar preferohet të pazaroni.
13. Mos ndalo në rrugë kur ndokush kërkon nga Ju, këta mund të jenë mashtrues, kriminelë.
14. Në rast të defektit të makinës, mos prano ndihmë nga njerëz të panjohur, por drejtohu në numrat adekuat, duke kontaktuar sigurimin tuaj ose edhe policinë.
15. Paguaj taksat e autostradës: Vinjetat, tunelet…etj.
16. Mos u shoqëro me njerëz të panjohur dhe të dyshimtë.
17. Udhëtoni kryesisht gjatë ditës me dritën e diellit.
Rrugë të mbarë
Shkruar nga Bardh Avdiu
