Prej nesër nëse hyni në Zvicër nga këto shtete duhet 10 ditë Karantinë

Njerëzit që hyjnë në Zvicër nga 14 shtete / rajone shtesë tani duhet të karantinohen për 10 ditë pas mbërritjes në Zvicër.

Më 9 tetor 2020, Zyra Federale e Shëndetit Publik të Zvicrës (BAG) shtoi vendet e mëposhtme në listën e saj:

Berlin (Gjermani), Hamburg (Gjermani), Rajoni Campania (Itali), Rajoni Sardenja (Itali), Rajoni Veneto (Itali), Burgenland (Austri), Salzburg (Austri), Kanada, Gjeorgjia, Irani, Jordania, Rusia, Sllovakia, Tunizi

Nga 12 tetori 2020, kushdo që ka kaluar kohë në këto vende gjatë 10 ditëve para se të mbërrijë në Zvicër duhet të karantinohet, shkruajnë mediat zvicerane.

Nga 12 tetori 2020, 5 vende do të hiqen nga lista. Këto përfshijnë: Bolivi, Republika Dominikane, Namibia, Suriname dhe Trinidad dhe Tobago.

Lista mund të ndryshojë dhe azhurnohet rregullisht nga autoritetet.

Nëse mbërrini në Zvicër dhe keni kaluar kohë në një nga këto vende në 10 ditët e fundit duhet të shkoni në shtëpinë tuaj ose në një strehim tjetër të përshtatshëm menjëherë pas mbërritjes dhe të qëndroni atje për 10 ditë.

Asnjë përjashtim nuk bëhet për fëmijët ose askënd me një test negativ Covid-19. Autoritetet zvicerane thonë se një test negativ nuk përjashton infeksionin.