Gorbaçov: Si i shoh trazirat në Uashington dhe ç’vjen më pas

Trazirat e së mërkurës në Uashington kanë vënë në pikëpyetje të ardhmen e Shteteve të Bashkuara si shtet, sipas ish-Presidentit të fundit Sovjetik Mikhail Gorbachev.

Ai thotë se sulmi ndaj Kongresit Amerikan në Capitol Hill në Uashington me sa duket ishte përgatitur më herët, por ai është i bindur se do të duhet pak kohë për të zbuluar pse u bë.

Ai është i sigurt, megjithatë, se do të ketë ndryshime në botë në drejtim të zbutjes së tensioneve dhe se gara e armëve gradualisht do të ndalet, pasi njerëzit e brezit të ri e kuptojnë fatalitetin e saj, raportojnë mediat ruse.
Shpresa nuk duhet të humbet.

Ai kujtoi kohën kur nënshkroi Marrëveshjen e Çarmatimit dhe vuri në dukje se edhe atëherë nuk ishte e lehtë, sepse kundërshtarët ishin të fortë.

Por, siç deklaroi ai, ata patën sukses sepse donin paqe.

“Njerëzit që nuk duan një luftë do të bashkohen dhe udhëheqja e tyre do të duhet të gjejë një rrugëdalje. Ata do të gjejnë një rrugëdalje dhe forma të reja të marrëveshjes, duke marrë parasysh llojet e reja të armëve. Shpresa nuk duhet të humbasë kurrë. Unë nuk e humbas shpresën te të rinjtë,” tha Gorbaçov.