Pas 21 janarit në Maqedoni mundet që kafenetë t’i kthehen orarit të zakonshëm

I pyetur për kërkesat e gastronomive që lokalet e tyre të punojnë deri në orën 23:00, ministri Filipçe tha se ndryshimet do të shqyrtohen pas 21 janarit.

Ai theksoi se pas kësaj date ka gjasa që orari i kafeneve të kthehet në orarin e zakonshëm dhe jo deri në orën 21:00.

“Kërkesa është e logjikshme, dhe do ta shqyrtojmë në mbledhjet e Komisionit për Sëmundje Infektive.

Kjo masë thamë se do të zgjatë deri me 21 janar, kur praktikisht edhe përfundojnë festimet, pas çka automatikisht këto objekte do të kthehen të punojnë deri në ora 21:00, por do të shqyrtojmë kërkesën e tyre.

Çfarëdo që do të vlejë si zbutje e masave, gjithsesi se do të vlejë pas 21 janarit”, tha mes tjerash.