Ky është numri i qytetarëve me të drejtë vote në zgjedhjet e 28 marsit në Preshevë

Me 28 mars në Preshevë do të mbahen zgjedhjet e parakohëshme. Në këto zgjedhje të drejtë vote kanë 41600 votues.

Presheva.AL ka mësuar shifrat nga
Shërbimi i azhurimit të listave pranë Komunës së Preshevës, të cilët kanë bërë të ditura shifrat se sa është numri i qytetarëve që kanë të drejtë vote në Preshevë.

“Sipas listës preliminare të votuesve, Presheva ka 41600 votues”, njoftohet per Presheva.AL nga ky shërbim.

Ndërkaq kanë bërë të ditur se nga listat e votuesve janë larguar emrat e personave të vdekur, por edhe çdo ditë azhurohet lista me votues të rinjë që për herë të parë votojnë në zgjedhjet e vitit 2021.

Siç mëson Presheva.AL deri me tani janë çertifikuar APN e cila mban numrin 1 dhe LR e cila mbane numrin 2 per zgjedhjet e 28 marsit.

Mesohet se PVD,PDSH,ADSH,UDSH jane duke e bere ende grumbullimin e nenshkrimeve te nevojshme per certifikimin e listave zgjedhore.