Sami Salihu uron muslimanët për muajin e shenjtë të Ramazanit

Të dashur motra dhe vëllezër besimtarë.

Nesër fillon muaji i Shenjtë i Ramazanit, muaji i sakrificës, i mëshirës, tolerancës por edhe i reflektimit shpirtëror.

Njerëzimi, e bashkë me ta edhe popullata jonë po futet në këtë muaj të Shenjtë nën efektin e Pandemisë globale e që na mësoi, siç na mëson ky Muaj i Shenjtë, që duhet të jemi përkrahë njëri tjetrit e të solidarizohemi me njëri tjetrin.

Duke u lutur që ky Muaj i Shenjtë të jetë muaj i begatisë materiale, shëndetësore dhe shpirtërore për të gjithë, ju uroj përzemërsisht muajin e Ramazanit, pranim të lutjeve dhe agjërimit, mirëqenie, harmoni dhe dashuri për të gjithë!