Shtetasit e Serbisë si turistë nuk mund të udhëtojnë në 18 vende të BE-së

Deri në datën 15 të këtij muaji, anëtarët e BE do të bien dakord mbi një dokument të përbashkët udhëtimi që i referohet ekskluzivisht parametrave mjekësorë, të cilin udhëtari duhet të ketë në një copë letër. Ky dokument duhet të tregojë nëse është vaksinuar, me cilën vaksinë, nëse ai ka qene i infektuar me kovid 19. Disa pasaporta duhet gjithashtu të kenë analiza antigjeni jo më të vjetra se 72 orë. Shtetasve serbë u ndalohet ende hyrja në 18 vende të Bashkimit Evropian.

Zotërimi i dokumentacionit mjekësor, njohja ose mosnjohja e vaksinave të caktuara nuk janë kusht, për shembull, të shkosh këtë vit për të parë Muzeun Prado në Madrid ose Louvre në Paris. Ata ju kualifikojnë vetëm për të hyrë në atë vend të BE-së nëse keni një punë urgjente përndryshe nuk lejoheni si turist.

Njoftimet që disa vende njohin disa vaksina, dhe disa jo, krijojnë vetëm konfuzion mes udhetareve, thonë shitësit e biletave ajrore, duke shtuar se duhet të informoni veten për kushtet e hyrjes në atë vend para se të niseni për udhëtim.

“Çdo vend ka të drejtë të miratojë rregullat e veta dhe të injorojë rregullat e veta,” tha Igor Vranjesevic, një operator turistik për biletat ajrore, hekurudhore dhe trageteve.

Sipas të dhënave aktuale nga Ministria e Punëve të Jashtme, shtetasit serbë ende nuk lejohen të udhëtojnë për arsye turistike në 18 vende: Austri, Belgjikë, Republikën Çeke, Danimarkë, Estoni, Francë, Finlandë, Gjermani, Itali, Lituani, Luksemburg, Hollandë, Poloni, Portugali, Rumani, Sllovaki, Suedi dhe Maltë.

Aktualisht, shtetasit serbë mund të udhëtojnë në këto vende vetëm nëse kanë një leje qëndrim, për arsye biznesi ose emergjence.