Ish ministri i Shëndetësisë, Alush Gashi dhe njëherit ndër themeluesit e LDK, ka bërë homazhe i vetëm pranë varrit të ish presidentit të Kosovës, Ibrahim Rugova.
Gashi, i cili ka qenë i afërt me ish presidentin Rugova, nuk ka mundur të përmbahet nga lotët gjatë homazhit që ka bërë.
Ai aktualisht nuk gëzon ndonjë pozitë në institucionet e Kosovës. Përpos Alush Gashit askush nuk e di pse ai ka zgjedhur i vetëm të bëjë homazhe për hir të gjashtë vjetorit të Pavarësisë së Kosovës te varri i ish presidentit, e jo me strukturat më të lartë të Lidhjes Demokratike të Kosovës.
