50 të rinj nga Presheva përfundojnë kursin e gjuhës serbe

Rreth pesëdhjetë të rinj shqiptarë në Preshevë përfunduan kursin dhe morën certifikata për njohjen e gjuhës serbe.

Organizata joqeveritare “Bëhu aktiv” nga Presheva thekson se qëllimi i projektit është përmirësimi i njohurive të gjuhës serbe në mënyrë që të rinjtë nga Presheva të komunikojnë më lehtë gjatë punësimit në institucionet dhe kompanitë publike dhe private.

Të rinjtë shqiptarë kanë kryer trajnime në nivelet A1 dhe A2 të gjuhës serbe, të cilat do t’u nevojiten në të ardhmen për zhvillimin e karrierës, thekson organizata.

Projekti u financua nga Ministria e të Drejtave të Njeriut dhe të Pakicave dhe Dialogut Social.