Pritet që në muajin prill çmimet e derivateve të naftës të lirohen

Dekreti për kufizimin dhe përcaktimin e çmimeve maksimale me pakicë të dy llojeve bazë të karburanteve do të zgjatet dhe do të qëndrojë në fuqi deri në fund të muajit prill.

Pas kësaj do të vlerësohet se cila zgjidhje është më e mira për tregun dhe popullatën.

Qytetarët që tashmë janë nën barrën e inflacionit, natyrisht do të donin që nafta dhe benzina të ishin sa më të lira, por sektori i naftës paralajmëron që në fillim se zbatimi i zgjatur i kësaj mase shtetërore mund të çojë në furnizim të dobët.

Qeveria miratoi rregulloren e parë për çmimet e kufizuara me pakicë të benzinës Eurodiesel dhe BMB 95 më 10 shkurt. Për t’i bërë këto derivate më të lira, qeveria hoqi dorë nga një pjesë e të ardhurave duke ulur akcizën e karburanteve me 20 për qind. Sekretari i Përgjithshëm i Shoqatës së Kompanive të Naftës të Serbisë Tomislav Mićovic thekson se askush nuk mund të sigurojë furnizim afatgjatë me çmime jorealiste të ulëta:

“Rregullorja si zgjidhje e përkohshme jep efekte, por në terma afatgjatë mund të rrezikojë ofertën e tregut. Çmimet reale janë ato që i krijon tregu, jo shteti. Gjatë këtyre dy muajve kushtet dhe kostot kanë ndryshuar në mënyrë dramatike në nivel global, rajonal dhe “Tregu reagon menjëherë ndaj këtyre faktorëve dhe administrata jo”.

Të njëjtin mendim ka edhe Nebojsha Atanackovic, kryetar nderi i Sindikatës së Punëdhënësve, i cili thekson se UPS-ja është gjithmonë parimore për formimin e lirë të çmimeve në treg, veçanërisht kur kufizimi vlen vetëm për shitje me pakicë, e jo për shitësit me shumicë. Ai gjithashtu thekson se Eurodieseli tani do të kushtonte më shumë se 200 dinarë dhe do të ishte më i shtrenjti në rajon nëse shteti nuk do të kishte ulur akcizën.