Maqedonia, Serbia dhe Shqipëria lehtësojnë procedurat për njohjen reciproke të diplomave
Maqedonia e Veriut, Serbia dhe Shqipëria në kuadër të iniciativës “Ballkani i Hapur” në Ohër nënshkruan marrëveshje me të cilën lehtësohet njohja reciproke e diplomave dhe gradave shkencore të lëshuara nga institucionet e arsimit të lartë dhe institucionet tjera të autorizuara ne këto vende.
Marrëveshja e nënshkruar nga kryeministrat e vendit tonë dhe të Shqipërisë, Dimitar Kovaçevski dhe Edi Rama dhe presidenti i Serbisë, Aleksandar Vuçiq, lehtëson procedurat për njohjen e diplomave dhe gradave shkencore të marra në tre vendet nënshkruese, duke shkurtuar kështu afatet për përfundimin e tyre.
-Siç parashikohet në dispozitat kontraktuale, afati për konfirmimin e origjinalitetit të një diplome është 14 ditë pune nga paraqitja e kërkesës nga një palë tjetër kontraktuese, ndërsa afati për përfundimin e procesit të njohjes së diplomës është 20 ditë pune nga vërtetimi i origjinalitetit të diplomës ose vërtetimin e saj me vulë apostile, njofton Ministria e Arsimit dhe Shkencës.
Nënshkruesit e kësaj marrëveshjeje u bënë thirrje vendeve të tjera të Ballkanit Perëndimor që të mbështesin aktin ligjor dhe të përfshihen në zbatimin e tij, duke ofruar përfitime për qytetarët e saj duke qëndruar ose duke ushtruar të drejtat në vende të tjera dhe anasjelltas, për të lehtësuar zbatimin e të drejtave të qytetarëve të vendeve të tjera nëpërmjet institucioneve të tyre.
