Dritan Abazoviq sot qëndron në Beograd, takime të rëndësishme me Brnabiq

Kryeministri i Malit të Zi, Dritan Abazoviq, ndodhet sot në Beograd. Abazovic është pritur para Pallatit të Serbisë me një batalion të rreshtuar të Gardës dhe me intonimin e himneve të dy vendeve.

Me rastin e vizitës së Abazoviqit, Beogradi është dekoruar me flamuj malazezë dhe billborde me flamuj të Serbisë dhe Malit të Zi.

Pritja formale para Pallatit të Serbisë ka nisur në orën 10:00 dhe më pas ka pasur takim dypalësh mes dy kryeministrave, njofton Zyra e Qeverisë për Bashkëpunim me Media.

Mbledhja e delegacioneve të Qeverisë së Serbisë dhe Qeverisë së Malit të Zi është planifikuar për në orën 10.45, ndërsa pas takimit janë parashikuar deklarata për media.