A do të rritet çmimi i kafes?

Reduktimi i rendimentit të kafesë në Brazil, prodhuesi më i madh në botë, mund të shkaktojë rritje të mprehtë të çmimeve të kafesë në mbarë botën në muajt e ardhshëm.

Kontratat e së ardhmes së kafesë u rritën gati 90 për qind vitin e kaluar pasi thatësira dhe ngricat goditën prodhimin e Brazilit, sipas të dhënave të tregtimit.

Çmimet e kafesë u hodhën në nivelin më të lartë 10-vjeçar prej 2,59 dollarë për paund (1 paund = 453,5 gram) në shkurt dhe mbetën më të larta se në vitet e mëparshme, një rritje prej 18,06 për qind krahasuar me vitin e kaluar.

Analistët e tregut presin rritje të mëtejshme të çmimeve për shkak të specifikave të korrjes së kafesë në Brazil. Tradicionalisht, ajo zhvillohet në një cikël dyvjeçar, me fermerët që korrin sasi më të mëdha të Arabica në vite çift. Megjithatë, për shkak të motit ekstrem në vitin 2021, pritshmëritë për të korrat e këtij viti janë të ulëta, veçanërisht duke pasur parasysh rritjen e kostove të plehrave dhe transportit.

Përveç Brazilit, plantacionet në Kolumbi, një tjetër eksportues i madh i kafesë, u prekën gjithashtu nga moti më i lagësht se normalja.

Sipas disa vlerësimeve, sipas Wall Street Journal, rendimentet e këtij viti në disa ferma pritet të jenë 50% më të ulëta.