Taksa e re: Karburantet do të jenë më të shtrenjta – sepse ato shkaktojnë ndotje

Në Austri, duke nisur nga e shtuna, karburantet do të shtrenjtohen në pikat e karburantit, pasi e ashtuquajtura “taksa e CO2” do të hyjë në fuqi nga 1 tetori.

Kjo taksë u vonua për shkak të krizës, pasi duhej të hynte në fuqi para verës.

Taksa e re parashikon që përdoruesit e karburanteve fosile të paguajnë ekstra për ndotjen e shkaktuar nga CO2, përkatësisht 30 euro për ton.

Sipas vendimit të qeverisë, taksa rritet çdo vit dhe në vitin 2025 do të jetë në nivelin 55 euro për ton CO2.

Për drejtuesit e makinave, kjo do të thotë se nga 1 tetori, nafta do të kushtojë në pompa për 0,09 euro për litër, ose 4,50 euro për rezervuar 50 litra.

Çmimi i benzinës do të rritet me 0,082 euro për litër, ose 4,10 euro për një rezervuar 50 litra.

Po shtrenjtohet edhe nafta për ngrohje, sa dizeli me 0.09 euro për litër.

Për amvisëritë që përdorin naftë për ngrohje dhe që konsumojnë mesatarisht 2000 litra në vit, kjo do të thotë 180 euro shtesë.

Sipas sondazheve të opinionit publik, qytetarët janë pro një shtyrje të re të zbatimit të taksës së re, e cila synon uljen e reduktimit të gazeve të dëmshme.

Kështu, dy të tretat e austriakëve janë në favor të një vonese të re dhe vetëm një e katërta duan zbatimin nga tetori.

Duke qenë se taksa e re do ta ngrejë çmimin e karburantit në rreth dy euro për litër, sipas ekspertëve të klubeve të makinave, në fund të javës mund të priten turma në pikat e karburantit.

Për shkak të kësaj turme, mund të ketë mungesa, veçanërisht të naftës në pompa.

Motoristët këshillohen të mbushin rezervuarët të hënën ose të martën pasi çmimet e karburanteve në fillim të javës janë më të ulëta se gjatë fundjavës.

Drejtuesit duhet të shmangin gjithashtu karburantin në pikat e karburantit në autostradë, pasi çmimet atje janë shumë më të larta se në zonat e banuara jashtë autostradës.

Përveç kësaj, ata thonë se duhet të mendoni dy herë për përdorimin e automjetit për rrugë më të shkurtra.