RRITEN ÇMIMET NË AUSTRI THYEN REKORDAT

Në Austri, qytetarët duhet të futen më thellë në portofolin e tyre për të blerë sende ushqimore, sepse çmimet e sendeve ushqimore janë rritur ndjeshëm.

Një analizë e Dhomës së Punës të provincës së Tirolit tregoi se që nga prilli, për shembull, çmimi i sheqerit është rritur me 60 për qind, vaji me 48 për qind dhe mielli me 33 për qind.

Kur bëhet fjalë për qumështin, rritja e çmimit është ndërmjet 11.51 dhe 14.39 për qind.

Çmimi i gjalpit është rritur deri në 15 për qind.

Në analizën e saj, Oda e Punës ka krahasuar çmimin e 19 produkteve identike që blejnë qytetarët dhe ka vërtetuar se sa janë rritur çmimet në gjashtë muajt e fundit.

Organizata “Foodwatch Austria” vendosi një rritje “të fshehur” të çmimeve.

“Për të gjitha ushqimet, hulumtimi ynë ka treguar se prodhuesit kanë reduktuar përmbajtjen e tyre në muajt e fundit. Përveç kësaj, çmimet janë rritur ndjeshëm”, tha kryetarja e organizatës, Heidi Porstner.

“Foodwatch” konstatoi rritje indirekte të çmimeve përmes uljes së përmbajtjes së ambalazheve të ushqimeve, duke ruajtur çmimin, e ndonjëherë edhe me rritje të çmimit.

Kështu, u konstatua se përmbajtja e produktit “Ovomaltine” është ulur me 10 për qind, ndërsa çmimi është rritur me 20 për qind që nga fillimi i vitit.

Ka 12 për qind më pak përmbajtje në një qese me nachos “Doritos Sweet Chili Pepper”, me çmime që rriten me 14 për qind.

Reduktimi i përmbajtjes, kritikon organizata, nuk iu tregua nga prodhuesi konsumatorit.