Nga sot shoferë, kushtoni vëmendje – policia do t’i kontrollojë këto gjëra veçmas
Anëtarët e Ministrisë së Punëve të Brendshme, Administrata e Policisë Rrugore, për të garantuar sigurinë e të gjithë përdoruesve të rrugës, nga data 23 deri më 26 mars po zhvillojnë aksion qendror të rritjes së kontrollit të trafikut në territorin e Republikës së Serbisë.
Policia rrugore do t’i kontrollojë pjesëmarrësit në komunikacion me të gjithë personelin dhe pajisjet në dispozicion, ndërsa fokusi i kontrollit është zbulimi i shkeljeve që kërcënojnë drejtpërdrejt sigurinë e pjesëmarrësve në komunikacion, d.m.th. shpejtësia, tejkalimi i paligjshëm, drejtimi i automjetit nën ndikimin e alkoolit dhe substanca psikoaktive, si dhe shkelje të tjera, ka bërë të ditur MUP.
Kujtojmë se që nga fillimi i vitit janë vrarë 90 përdorues të rrugës dhe janë lënduar mbi 2500 përdorues të rrugës, ndërsa vetëm në tre ditët e fundit kanë humbur jetën tetë pjesëmarrës.
Ministria e Punëve të Brendshme u bën thirrje të gjithë pjesëmarrësve në trafik që të sillen me përgjegjësi, të respektojnë rregulloret dhe në këtë mënyrë të japin kontribut të drejtpërdrejtë në përmirësimin e sigurisë në trafikun rrugor, thuhet në njoftim.
