Arifi publikon fotografi nga festimi i 1 Qershorit në Preshevë

Kryetari i Preshevës, Shqiprim Arifi, duke uruar fëmijët për 1 Qershorin ka publikuar edhe disa fotografi të kësaj feste të mbajtur në Preshevë.

“Sot, me gëzim, të qeshura dhe argëtim pafund në stadiumin e qytetit, festuam së bashku ditën më të veçantë të vitit për të vegjlit tanë – Ditën e Fëmijëve!

Me këngët, vallet dhe recitimet na mbushën zemrat plotë dhe na dhuruan emocione të pafundme.

Së bashku krijuam kujtime të paharrueshme që do të zgjasin përgjithmonë.

Faleminderit që u bashkuat me ne në këtë festë të bukur për fëmijët.

Le të vazhdojmë t’i dhurojmë sa më shumë dashuri dhe me përkushtim të plotë të punojmë për ta!
Gëzuar 1 qershori” ka shkruar kryetari i Preshevës.