Një reagim i shpejtë është i rëndësishëm: Si të njohim dhe si ta ndihmojmë një person që ka përjetuar goditje nga nxehtësia?

Temperaturat e larta dhe vera që kemi pritur kaq gjatë po vijnë dhe pa asnjë përgatitje.

Si çdo vit, menjëherë pas motit më të ftohtë vjen vapa e të nxehtit, ndaj tashmë jemi në pritje të temperaturave mbi 35 gradë.

Shumë njerëz e kanë të vështirë ta përballojnë vapën, mes tyre edhe të sëmurët kronikë, por edhe personat krejtësisht të shëndetshëm nuk mund ta përballojnë temperaturën dhe lagështinë jashtëzakonisht të lartë.

Kur trupi mbinxehet aq shumë sa nuk mjafton djersitja, temperatura e trupit rritet mbi 40 gradë dhe pasojat i vuajnë të gjitha organet, veçanërisht ato kardiovaskulare dhe respiratore.

Goditjen nga nxehtësia do ta njihni nga fakti se ritmi i zemrës rritet, frymëmarrja është shumë e cekët dhe e vështirë, ndërsa lëkura është e thatë. Veç kësaj, vërehet edhe skuqja dhe nxehtësia e lëkurës dhe përveç dhimbjes së kokës mund të shfaqen edhe marramendje, të fikët, madje edhe koma.

Veshja e rrobave të lehta, domosdoshmërisht një shishe me ujë dhe kalimi sa më pak i kohës jashtë, janë masat për të parandaluar goditjet e të nxehtit në ditët në vijim. Është e rëndësishme të dini se kjo gjendje nuk ka shenja të veçanta paralajmëruese, ndaj reagimi i të pranishmëve deri në mbërritjen e mjekut është i një rëndësie të madhe.

Është e nevojshme ta ftohni personin, ta sillni në një dhomë me ajër të kondicionuar, t’i jepni diçka për të pirë dhe ta bëni të shtrihet me këmbët pak të ngritura.