E cilësoi Xi Jinping si diktator, Biden tërheq komentin pas “qortimit” të ambasadorit amerikan në Kinë
Presidenti amerikan Joe Biden tha të enjten se nuk besonte se përshkrimi i tij i liderit kinez Xi Jinping si një diktator kishte penguar marrëdhëniet e SHBA me Kinën, pasi Pekini thirri ambasadorin amerikan për një qortim zyrtar pas komenteve të presidentit.
“Unë pres që të takohem me Presidentin Xi dikur në të ardhmen dhe nuk mendoj se ka ndonjë pasojë,” tha Biden gjatë një konference shtypi së bashku me kryeministrin indian Narendra Modi.
Ministria e Jashtme e Kinës kundërshtoi ashpër cilësimin e presidentit për liderin e tyre duke e quajtur “jashtëzakonisht absurd dhe të papërgjegjshëm”, ndërsa Pekini paraqiti ankesën e tij zyrtare tek ambasadori Nicholas Burns, sipas zyrtarëve amerikanë.
Biden i bëri komentet në një mbledhje fondesh politike, duke thënë se Xi nuk ishte në dijeni që një balonë spiune kineze po fluturonte mbi SHBA në fillim të këtij viti dhe duke e përshkruar Xi Jinping si një diktator.
