Lajm i keq nga tregu: Çmimi i bananeve do të rritet me vite!

Bananet do të bëhen më të shtrenjta ndërsa temperaturat globale rriten për shkak të ndryshimeve klimatike, tha Forumi Botëror i Bananeve në Romë.

Forumi është organizuar me qëllim që ekspertët të merren me problemet me të cilat ballafaqohen kultivuesit e këtij fruti, mungesat e të cilëve ndjehen në Britaninë e Madhe, transmeton BBC.

Furnizimi me banane mund të përballojë ngjarjet afatshkurtra të motit, por ekspertët paralajmërojnë kërcënimet në rritje nga ngrohja globale dhe sëmundjet që ajo shkakton përhapjen më të shpejtë.

Siç u tha, dhimbjen më të madhe të kokës e shkakton infeksioni mykotik i bananeve, të cilat u zhvendosën nga Australia dhe Azia në Afrikë dhe Amerikën e Jugut, e që më së shumti përhapet nga përmbytjet dhe erërat e forta.

“Nëse nuk ka një rritje të madhe të ofertës, unë parashikoj që çmimet e bananes do të mbeten relativisht të larta për vitet në vijim,” tha ekonomisti i Forumit Botëror të Bananës Pascal Liu.