Debat publik për rregullimin e parkut të qytetit në Preshevë – ftohen qytetarët të marrin pjesë
Komuna e Preshevës ka njoftuar se sot, më datë 08.07.2025, duke filluar nga ora 17:00, në ambientet e Kuvendit Komunal do të zhvillohet një debat publik me qytetarët lidhur me projektin për rregullimin e Parkut të Qytetit, në hapësirën e njohur si ish tregu i gjelbërt.
Ky debat është pjesë e një përpjekjeje më të gjerë të komunës për të përfshirë komunitetin në vendimmarrje dhe për të siguruar që zhvillimet urbane të reflektojnë nevojat dhe dëshirat e banorëve lokalë. Shërbimi i Urbanizmit i Komunës fton të gjithë qytetarët e interesuar që të marrin pjesë, të shprehin mendimet, propozimet dhe sugjerimet e tyre mbi projektin.
“Pjesëmarrja juaj është çelësi për një zgjidhje që reflekton nevojat dhe dëshirat e komunitetit,” – thuhet në njoftimin zyrtar të Komunës.
Parku i planifikuar pritet të shndërrojë një zonë të rëndësishme të qytetit në një hapësirë rekreative dhe ekologjike, në shërbim të të gjithë qytetarëve. Prandaj, pjesëmarrja aktive e komunitetit është thelbësore për të ndërtuar një projekt të përbashkët dhe gjithëpërfshirës.
