Qeveria e Turqisë fton të interesuarit nga Presheva për bursa studimi
Qeveria e Turqisë siguron bursa për studentet e huaj për vitin akademik 2014/2015 për nivelin deri diplomik (bachelor) të studimeve. Një lajmi I tillë ka arritë në adresë të kryetarit të Preshevës Ragmi Mustafa , ku të drejt konkurimi do të kenë të gjithë maturantët e Preshevës.
Qeveria e Turqisë edhe këtë vit siguron bursa për studentët e huaj me qëllim që të kontribuojë në shkollimin e të rinjve nga shtetet mike. Gjithashtu ka për qëllim të krijojë ura të shoqërimit në mes të individëve dhe shteteve përmes shkollimit, dhe ndihmon që të plotësohen kërkesat e studentëve.
Periudha e aplikimit për “Bursat Turke” për nivelin deridiplomik ( bachelor ) për vitin akademik 2014/2015 veç se ka filluar.
Koha e fundit për aplikim është 19 Maj 2014. Aplikacionet duhet te bëhen online ose direkt tek autoritetet relevante turke përmes “ Aplikacioneve te Programit Deridiplomik te Bursave Turke për vitin 2014 “, e cila është e publikuar edhe ne web faqen https://basvuru.turkiyeburslari.gov.tr/en dhe https://basvuru.turkiyeburslari.gov.tr , thuhet ne letrën e Ambasadës Turke në Beograd dërguar kryetarit të komunës së Preshevës Ragmi Mustafa, njofton kabineti i kryetarit Presheve.
