Ditët e Komedisë Shqiptare rikthehen në Preshevë: pesë mbrëmje teatri nga Tirana, Shkupi, Tetova, Podujeva dhe Presheva
Festivali “Ditët e Komedisë Shqiptare” mbahet këtë vit për të 21-in herë në Preshevë. Nga 9 deri më 13 nëntor, skena e Shtëpisë së Kulturës “Abdulla Krashnica” do të presë pesë shfaqje nga teatro shqiptare të Serbisë, Shqipërisë, Kosovës dhe Maqedonisë së Veriut.
Të gjitha shfaqjet fillojnë në ora 19:30.
Programi:
E hënë, 9 nëntor: “Jo simfoni e 5-të, po e 9-ta / Mytma burrin”, nga Aldo Nicolaj, me regji të Kastriot Saqipit. Shtëpia e Kulturës “Abdulla Krashnica” – Teatri i Qytetit, Preshevë.
E martë, 10 nëntor: “E zonja e bujtinës”, komedi nga Carlo Goldoni, me regji të Kiço Londos. Teatri Shëtitës “Çajupi”, Tiranë.
E mërkurë, 11 nëntor: “Shfaqja që shkon keq”, sipas Henry Lewis, Jonathan Sayer dhe Henry Shields, me regji të Bashkim Ramadanit. Teatri “Avdush Hasani”, Podujevë.
E enjte, 12 nëntor: “Zotëriu i parë”, me autor dhe regjisor Fatos Berishën. Teatri Shqiptar, Shkup.
E premte, 13 nëntor: “Shtëpia pa dritare”, me regji dhe skenar të Saimir Gongos. Teatri i Tetovës.
Festivali hapet me shfaqjen e trupës vendase të Preshevës dhe vazhdon me teatro nga e gjithë hapësira shqiptare, duke e bërë Preshevën për një javë qendër të komedisë shqiptare.
