Zyra për zhvillim ekonomik lokal fiton projektet për renovimin komplet të pesë shkollave në komunën e Preshevës

Zyra për Zhvillim gjat muajit Gusht të këtij viti inicioi analizën e gjendjes në shkollat e komunës sonë dhe në bazë të kësaj analize defioni prioritetet për ndërhyrje në rregullimin sidomos të nyjeve sanitare në tri shkolla ku gjendja ishte katastrofale.

Pas përcaktimit të prioriteteve u punua në pregatitjen e projekt propozimeve adekuate dhe u bë kërkimi dhe gjetja e donatorëve potencial për këto projekte. Si rrjedhojë, projekt propozimet e pregatitura u dërguan tek Zyra për menaxhim të investimeve publike, ku pas shqyrtimit të projekt propozimeve nga ana e komisionit në nivel shtetërorë, këta të njejtit u aprovuan nga kjo zyre.

Zyra për menaxhimin e investimeve publike aprovoi renovimin komplet (fasadimi,izolimi, rregullimi i kulmit, rrjeti elektrik, dyshemeja, dyert, dritaret dhe rregullimi i oborreve) të pesë shkollave në komunën tonë, pra shkolla e mesme “Skënderbeu” , ajo e mesme teknike “Presheva”, gjithashtu edhe shkolla fillore “Ibrahim Kelmendi” në Preshevë, si dhe paralelja e saj e ndarë në Stacionin Hekurudhor ku mësojnë nxënësit shqiptarë, si dhe shkolla fillore “Vuk Karaxhiq” po ashtu në Stacionin Hekurudhor. Për shkollat e përmendura, mbetet të pregatitet dokumentacioni teknik dhe të kryhen masat pregatitore për implemitimin e punëve gjatë vitit të ardhshëm kalendarik.

Gjithashtu, duke u informuar detajisht nga zv. drejtori i Shtëpisë së Shëndetit për gjendjen katastrofale në aspektin infrastrukturorë, Zyra për zhvillim ekonomik do të pregatisë një projekt propozim për një renovim të detalizuar të Shtëpisë së Shëndetit.