Qyteti i Manhajmit donacion kabinet të informatikës për shkollën e mesme teknike në Preshevë

Falë donacionit të qytetit të Manhajmit, sot shkolla mesme teknike në Preshevë është pajisur me kabinetin e informatikës.
Gjatë takimit të kryetarit të Komunës së Preshevës me kryetarin e qytetit të Manhajmit z. Dr Peter Kurz, kryetari Arifi ia shfaqi nevojën e pajisjes së kabinetit të informatikës për shkollën e mesme teknike “Presheva” në Preshevë.

Duke vlerësuar rëndësinë e kabinetit të informatikës, për vijimin normal të procesit edukativo-arsimor në kushte të njejta të bashkëmoshatarëve të tyre sikurse nxënësit gjerman, kryetari i qytetit të Manhajmit aprovoi këtë propozim dhe dhuroi donacionin për pajisjen e kabinetit të informatikës shkollës së mesme teknike “Presheva” në Preshevë në vlerë prej 10.000 eurosh.

Komuna e Preshevës falënderon kryetarin e qytetit të e Manhajmit për donacionin e dhuruar, pasi që shkolla e mesme teknike ka pasur mungesë vite më radhë për këtë kabinet, ndërsa nxënësve të cilët tashmë vijojnë mësimin në kushte më komode, i dëshiron suksese në lëndën e informatikës, nga të cilët presim të dalin talente të dalluar, që do t’i shërbejnë shoqërisë sonë.