Realizohet aksioni vullnetar tek shkolla e fshatit Norçë

Realizohet aksioni vullnetar tek shkolla e fshatit Norçë

Gjatë aksionit vullnetar të organizuar nga BL Norçë për mirëmbajtjen e hapësirave brenda oborrit dhe rreth objektit të shkollës së fshatit, të rinjtë e fshatit përmes punës së palodhshme të tyre, ia ndryshuan pamjen komplet këtyre hapësirave.

Gjatë pastrimit në këto hapësira, kemi grumbulluar sasi të madhe të mbeturinave, kanale të ujërave atmosferike të zëna, bimë dhe drunj të mbirë dhe rritur në mënyrë të pakontrolluar, sipërfaqe të pa pastruara etj.

Aksioni përfundoi me sukses dhe tani e tutje i mbetet autoriteteve të shkollës të përkujdesen më shumë për pastërtinë dhe rendin shtëpiak, në mënyrë që nxënësit – fëmijët tanë të mësojnë në ambient më të përshtatshëm dhe të mos i ekspozohen papastërtive dhe aromave të pakëndshme.

Këshilli i BL Norçë falënderon të gjithë personat që iu përgjigjën aksionit, duke u bërë shembull i mirë edhe për vendbanimet tjera të komunës sonë.

Me respekt,
Këshilli i BL Norçë