Studentët e mjekësisë që diplomojnë në Kosovë nuk mund të pajisen me liçencë të punës

Kohëve të fundit studentët e Luginës së Preshevës po ballafaqohen me probleme të shumta, ku ndër të tjerash është shtuar edhe problemi i liçensimit të mjekëve të posadiplomuar. Për shkak të mungesës së ndonjë specifikimi ligjor për studentët e mjekësisë nga Lugina e Preshevës, po i mohohet pajisja me liçensën e punës nga Ministria e Shëndetësisë së Republikës së Kosovës. Me këtë problem studentët e mjekësisë nga Lugina e Preshevës po ballafaqohen tash e dy vite.

Ne iu kemi drejtuar me këtë kërkesë ministrisë së shëndetësisë, që të mirren masa në zgjidhjen e këtij problemi. Poashtu, iu kemi drejtuar edhe partive politike në Kosovë dhe në Luginë të Preshevës që ta ngrisin si çështje dhe të bëjnë presion që kjo çështje shumë e rëndësishme të zgjidhet sa më shpejt.