Në zgjedhjet kantonale në Gjenevë kandidojnë 24 shqiptarë

Në kantonin e Gjenevës më 15 mars do të mbahen zgjedhjet lokale për 44 komuna.

Pjesë e këtyre zgjedhjeve është edhe komuniteti shqiptar që jeton në Gjenevë e i cili sipas kësaj radhe garon me 24 kandidatë.

Autoritetet zvicerane thonë se pjesëmarrja dhe fitorja e shqiptarëve në këto zgjedhje është shumë e rëndësishme për ngritjen e zërit të tyre dhe realizimin e objektivave si komunitet me rëndësi në Zvicër.

Kandidatët për këshilltarë kumunal thonë se pavarësisht integrimit të mirë të tyre përfaqësimi në nivele udhëheqëse është shumë me rëndësi për komunitetin shqiptar atje.

Procesi i votimit për zgjedhjet komunale të kantonit të Gjenevës kanë nisur nga mesi i këtij muaji dhe do të përfundojë në ditën e votimit më 15 mars.