Përmbytet Serbia rrezik nga vërshimet e lumenjëve, në 7 komuna gjendje e jashtëzakonshme

Për shkak të reshjeve të mëdha, niveli i lumenjve në Serbinë perëndimore po rritet. Shteti ka shpallur gjendje të jashtëzakonshme në shtatë komuna.

Kreu i Drejtorisë për Zjarrfikje, Shpëtim dhe Mbrojtje Civile, Goran Nikoliq, deklaroi sot se për shkak të mbushjes së tepërt të lumenjve, situatë më kritike momentalisht është në Ljubovija dhe Guča, sepse kishte reshje të mëdha shiu në orët e para të mëngjesit.

“Gjithsej 48 njerëz u evakuuan dhe një person u shpëtua aty ku jeta ishte kritike”, i tha Nikoliq RTS-së.

Në Ljubovija, një urë u shkatërrua dje dhe ekziston rreziku që përroi të dëmtojë një urë tjetër.

“Dje, për shkak të asaj ure, vetë qendra e qytetit u përmbyt”, theksoi Nikoliq. Ai theksoi se situata në Ljubovija, Guca dhe Lucani tani po monitorohet intensivisht.