PVD injoron propozimin e PDSH-së për qeverisje me rotacion

PVD me çdo kusht kërkon që postin e kryetarit të komunës t’a mbajë ky subjekt, kurse PDSH-së do t’i takonte posti i zv. kryetarit të komunës gjatë 4 viteve të ardhshme.

Sot kryesia e PVD-së ka publikuar njoftimin ne rrejtin social facebook.
PRESHEVA KA NEVOJË PËR QEVERISJE TË MIRË NGA OPOZITA, JO PËR ARRNIM PUSHTETI PËRMES PARIMIT TË ROTACIONIT

Mbrëmë, në mbledhjen e saj të kryesisë dhe këshilltarëve të dalur nga zgjedhjet e fundit të parakohshme lokale, Partia për Veprim Demokratik nuk e ka mbështetur propozimin e Partisë Demokratike Shqiptare, për ndarjen e mandatit të kryetarit të Komunës me parimin e rotacionit.

Parimi i rotacionit ku ndahet mandati i të njëjtit funksion midis përfaqësuesve të partive të ndryshme është praktikë e dëshmuar si joefikase në përformansë qeverisëse.

Partia për Veprim Demokratik mbetet e bindur dhe e vendosur se nuk mund të kemi qeverisje më të mirë me mendësi dhe metoda të vjetëra.

Shqiprim Arifi është dëshmia më e mirë se ndryshimi nuk sjell përparim dhe zhvillim nëse nuk shoqërohet me qeverisje më të mirë.

Sot është momenti që ndryshimin ta bëjmë edhe duke ndërtuar qeverisje të mirë, e jo vetëm ta sajojmë të ndryshmen përmes rotacionit të emrave të tjerë në pushtetin e njëjtë.

Komuna e Preshevës ka nevojë për qeverisje reformatore që bën shkëputjen me të tashmën dhe të kaluarën, por edhe që ndërton shpresë dhe mundësi për të ardhmen.

Ky është vullneti i shumicës i qytetarëve që votuan në zgjedhjet e fundit për partitë opozitare shqiptare. Qytetarët thanë se duan pushtet tjetër, por edhe më të mirë. Qytetarët kërkuan Shqiprim Arifin dhe Listën Serbe në opozitë, si dhe opozitën e sotme në pushtet.

Në përputhje dhe në respekt të këtij vullneti popullor, Partia për Veprim Demokratik mbetet e përkushtuar për arritjen e marrëveshjes bashkëqeverisëse me Partinë Demokratike Shqiptare, Lëvizjen për Reforma dhe Unionin Demokratik Shqiptar.

Dy lloje të reja të karburantit për automjete po mbërrijnë në Serbi!

"Unë e du Preshevën", vogëlushet që ndanë nga kursimet e tyre për ti ndihmuar familjeve në nevojë (Video)

Related Articles

Nënshkruhen kontratat për efiçencë energjetike në Preshevë, granti kap shumën prej 16.5 milion dinarë

Mbi një mijë bujq aplikojnë për subvencione në Luginë

Ragmi Mustafa: “Investitorët Slloven zgjuan interesim për investime në Zonën Industriale në Çukarkë”

Ka filluar inspektimi publik i planit hapësinor të gazsjellësit i cili do të kaloj nga Bujanoci në Preshevë deri në kufirin me Maqedoninë e Veriut